Preludju u Koral

 

Preludju u Koral

(Mattew 17:1-13)

Fuq il-għolja, fil-quċċata, għarfuk.

U d-dija li bħalha qatt ma raw

u l-Kelma, li semgħu bħallikieku l-ewwel darba

fawrithom b’ferħ li qajla fehmu

w qatt ma basru.

Stħajluhom ġà fis-sema,

ġà xirfu fil-mergħat imdiehba

tal-eternità.

“Mulej, tridx nibnu t-tined?”

Ma weġibthomx.

Għax inti kont ġà taf bil-għolja l-oħra,

bil-għuda li għad terfa’ ġisem mejjet,

biċ-ċaħda, swat, tgħajjir,

bil-ħolm imċarrat,

b’tagħlimek l’għad iwarrbu għax rawh żejjed.

Imm’int kont taf ukoll li f’qiegħ il-fondoq,

fis-swied

għad tnemnem ġamra mill-mixegħla

li ‘l ruħhom ħeġġet meta rawk fil-glorja

f’dik l-għodwa, fil-quċċata, fuq il-għolja.

 

*           *           *

Fil-kenn ta’ maqdes ħiemed

il-vuċi t’orgni dwiet,

Stħajjiltu leħnek ħlejju

jsejjaħli f’dak is-skiet.

 

U qalbi mtliet bil-hena,

bil-fehma l’Int kont hemm.

Ħassejt il-piż tad-dubbji

jitfarrak u jintemm.

 

Laħaqni l-hemm tal-ħajja,

il-biża’, il-qtiegħ il-qalb.

Twemmini dbiel u ttappan.

Ma serraħnix it-talb.

 

Imm’Int erġajt erfajtni,

semmajtli l-koral

li darba kien laqqagħna

fil-kenn ta’ katidral.

***

This religious poem is inspired by the New Testament story of the Transfiguration of Jesus. I wrote it some years back and it is still dear to me. I based its structure on the concept of a Baroque organ chorale prelude followed by the chorale itself - reflected in a "freer" first part followed by a more regular second part.  Both sections serve as a "commentary" on each other. 

Artwork by Paulina Krajewska.